Dramaverkstaðið hevði 10 ára føðingardag í januar 2008! 
Í 1998 byrjaði Dramaverkstaðið at hava skeið fyri børnum og ungum, tað næsta árið byrjaði undirvísing fyri vaksnum eisini. Ikki kundi eg ímynda mær at hetta arbeiði skuldi koma at vara 10 ár fram – ótrúligt! 
Tað hava verið 10 góð, spennandi og stuttlig ár.
Fleiri hundrað børn, ung og vaksin hava gingið til drama á Dramaverkstaðnum – summi styttri skeið onnur næstan øll árini og nøkur eru, frá at vera næmingar, farin at undirvísa sjálvi, onnur eru farin á sjónleikarskúla og aðrar útbúgvingar innan sjónleik, aftur onnur eru virkin her heima, bæði á bygd og bý, innan politik, áhugafeløg, undirvísingarverkið og aðra staðnar, so tað er sum um Dramaverkstaðið hevur borið frugt og tað var eitt av
endamálunum við tí heila.
Eg takki fyri øll árini við tykkum øllum somlum sum hava gingið á Dramaverkstaðnum, tað hevur verið ein sonn fragd at arbeiða við tykkum hóast við hvørt strævið. 
Tillukku øll somul!
